這個題目，看似是財經版的投資專欄。
其實，亦適用於生活各種層面，譬如說：感情。
不幸被騙，或遇人不淑，或對方變心，或背後有陰謀……或對不起，原來是「一場誤會」。
點呀？打佢一身？殺咗佢呀？
不不不，前輩早教落：腳底抹油，走為上着。還要是即刻起程，走走走，遠走高飛，有咁遠走咁遠，有咁久走咁久，最好是永不回頭，永不相見。
正如買覑一隻爛股，跌跌跌，累你蝕錢，難道還終身廝守？得閒出來咬它一口泄恨？
梗係掟都掟唔切，急急甩手為妙。
對着股票，很多人懂得處理，手起刀落，應斷則斷。
可是對情，很多人反而拖泥帶水，磨磨蹭蹭，任由傷口在腐化、潰爛、擴大，無止境的惡化……同時，還要非常回味，繾綣不捨，似是有點樂在其中。坦白講，其實想對方回頭，像以前一樣愛你、疼你、惜你。
常聽聞，許多決定分手者，在臨行時，還要說一句：「唔得，我要回去執番件衫……」
老細，執乜嘢衫啫？出到外邊，天大地大，任你買！但是為甚麼一定要回去？其實在心底裏，仍期盼對方在等待，希望可以重拾舊歡，再磘舊情，當中間一切沒發生過。
結果？永遠是回去「執衫」時出事，或斬人，或被斬，落得個血淋淋的下場，分手分到上港聞版。前人苦口婆心，說到嘴爛，後人則總是永不上心，自作主張。
於是有朋友追究、嚴辦，有計畫地進行大報復。過程處心積累，不怕犧牲，投放大量時間及資源，而期間，又一定有人肯幫忙，牆倒眾人推。
終於大仇得報，哈哈哈。成功令對方身敗名裂，家破人亡……但是你自己呢？除了逞一時之快，跟着有甚麼益處？
失去的是「機會成本」，只為那些爛人爛股？不值得。
沒有留言:
張貼留言